نبذة تاريخية

أنا دخلت الكلية سنة 2012 وكانت أقسام كهرباء وميكانيكا هي المفضلة بالنسبة لي. دخلت كهرباء علشان حبيت الcourse بتاع الprogramming في اعدادي ومجال ميكانيكا مكنش واضح لي كطبيعة الشغل بعد التخرج. في سنة أولي وتانية كنت مهتم بمجال الembedded systems لكن حبي للمجال ده قل مع الوقت من غير أسباب معينة (مبقتش حاسس اني عايز اشتغل فيه). فالفترة دي كانت بداية IHUB ودخلت مرتين في الsummer training الي كانوا بيعملوه ICLUB (اعتقد الاسم متغير دلوقتي).
بالنسبة لمشروع تخرجي فكان مع د. سيف الدولتلي وكنا فريق من 5 أفراد. كنا كلنا أصحاب فكان الموضوع لطيف وكنا بنشتغل بشكل كويس (لكن أنا فاكر اني كنت متضايق في فترة كده وكنا بنتعاتب عادي). المشروع كان متعلق بمجال ال biomedical engineering وكان جزء منه أننا نعمل classication model. الdata كانت عبارة عن قراءات من sensors بتتلبس عالدماغ. ساعتها مكنش عندي معرفة بمجال معين في الmachine learning وفي نفس الوقت كنت متحمس أكتر اني اعمل مشروع كويس عن اني اخبط في مجال جديد. قدراتي كcoding ساعتها كانت اني عارف C++ بشكل لطيف واني بدخل مسابقات "كتير" متعلقة بالcompetitive programming.
المشروع فالنهاية كان حلو جدا وكنا راضيين عنه كcode quality وكoutput. كنا كلنا شغالين مع بعض وده كان مناسب علشان كنا بنعمل desktop application واحدة ومكنش عندنا حاجة زي embedded system خارجي أو mobile application أو website. الجانب الايجابي من المشروع كان أولا د. سيف طبعا من حيث المتابعة والمساعدة وكل حاجة ممكن ننتظرها من supervisor (ان لم يكن أكتر).